Di rychschti Chue vor Wäut

MUNDART-AUSGABE (BÄRNDÜTSCH)E Chue ligt zfride unger ihrem Öpfuboum. E Sou chunt verby u verzeut ere, was sie aus chönnt mache: en Öpfuplantage aalegge, d Frücht in ere Fabrigg verarbeite, viiu Gäud mache u gäng meh Fabrigge uuftue, bis si uf de ganze Wäut berüemt isch u Hollywoodstars wi d Angelina Lolli mit ihre wette Znacht ässe. D Chue findet das aues spannend, het aber en angeri Idee ...E witzigi Fable, won is dra erinneret, dass mir weder rych no wichtig müesse sy, fürs guet z ha. Mängisch längts, amene Summertag zäme unger eme Öpfuboum z lige.